ഫോക് ലോര്‍ ക്ളബ് ഉദ്ഘാടനവും മുടിയേറ്റ് അവതരണവും

18.01.2015 ഞായറാഴ്ച സ്കൂളില്‍ ഫോക് ലോര്‍ ക്ളബിന്റെ ഉദ്ഘാടനം നടന്നു.പി.ടി.എ.പ്രസിഡണ്ട് ടി.ശശിധരന്റെ അധ്യക്ഷതയില്‍ പ്രധാനഅധ്യാപകന്‍ എ.വി.ശ്രീനിവാസന്‍ ഉദ്ഘാടനം ചെയ്തു.വിദ്യാരംഗത്തിന്റെയും ഫോക് ലോര്‍ ക്ളബിന്റെയും അംഗങ്ങള്‍ തയ്യാറാക്കിയ കൈയെഴുത്ത് മാസികയുടെപ്രകാശനം കെ.എസ.ശോഭനടീച്ചര്‍നിര്‍വ്വഹിച്ചു.പി.വാസുദേവന്‍,പി.രാമചന്ദ്രന്‍ പി.,കെ.വി.പ്രവീണ എന്നിവര്‍പ്രസംഗിച്ചു. ഡോ.പി.ഗീത സ്വാഗതവും കുമാരി സ്വേതാകൃഷ്ണ നന്ദിയും പറഞ്ഞു.

നിരവധി പുരസ്കാരങ്ങള്‍ നേടിയ കീഴില്ലം ഉണ്ണികൃഷ്ണനും സംഘവുമാണ് മുടിയേറ്റു് അവതരിപ്പിച്ചത്.തെക്കന്‍,മധ്യ കേരളത്തില്‍ മാത്രം കണ്ടു വരുന്ന ഈ കലാരൂപം പാഠഭാഗങ്ങളിലുടെ മാത്രം മനസിലാക്കിയ വിദ്യാര്‍ത്ഥികള്‍ക്കും സദസ്യര്‍ക്കും വളരെ ആസ്വാദ്യകരമായി. കാളി- ദാരിക കഥയാണ് അരങ്ങേറിയത്.ദാരികന്റെ വരവും തുള്ളിച്ചാട്ടവും കണ്ട് ചിലകുട്ടികള്‍ ഭയന്നു.തുടര്‍ന്നു കാളി നൃത്തം ചവിട്ടികൊണ്ടു വന്നു. വേഷങ്ങള്‍ ഓരോന്നായി തിരശീലക്ക്മുന്നില്‍ വന്നു. കൂളിയുടെ വരവും സരസമൊഴികളും കുട്ടികളെ രസിപ്പിച്ചു.പിന്നീട് വേഷങ്ങള്‍ എല്ലാം കൂടി-ഒരു കൂടിയാട്ടം. വാദ്യമേളത്തിന്റെ താളത്തിനൊത്ത് പലപ്പോഴും കട്ടികളും വേഷങ്ങളോടൊപ്പം ചുവടു വെച്ചു-തുള്ളിച്ചാടി.

ദാരികന്‍

കാളി